Sinergji ushqimore: si të kombinohen ushqimet për të shfrytëzuar maksimalisht vlerat e tyre ushqyese.

 

Disa produkte lëshojnë fuqinë maksimale nëse përputhen saktë me njëra-tjetrën.

 

Biodisponueshmëria është përqindja e një lënde ushqyese që trupi i njeriut mund të thithë dhe të përdorë. Vetëm se ne konsumojmë ushqime ose suplemente, nuk do të thotë se do të thithim 100% të lëndëve ushqyese. Kombinimet, përpunimi dhe gatimi i ushqimit ndikojnë në atë se sa mirë do të absorbohen lëndët ushqyese. Koncepti i sinergjisë ushqimore çon në një mendim të ri në shkencën e të ushqyerit dhe mund të ndihmojë në falsifikimin e politikëbërjes racionale të ushqimit dhe në përcaktimin e strategjive të ardhshme të kërkimit të ushqimit.

Hekuri dhe vitamina C

Hekuri i cili  vjen nga ushqimet bimore, nuk absorbohet aq lehtë sa hekuri nga burimet shtazore. Hekuri është thelbësor për transportin e oksigjenit në çdo qelizë në trup. Pamjaftueshmeria  e hekurit ne organizem sjell lodhje, sistem te ulët imunitar. Marja e hekurit dhe vitaminës C së bashku me bimë do të ndihmojë në rritjen e përthithjes.

Hekuri bimor: Drithëra, bishtajore, arra dhe fara

Vitamina C: Portokalli, limoni, spec i kuq, domate, zarzavate

Vitamina A ose likopeni dhe yndyrnat

Vitamina A është një antioksidant i fuqishëm që ndihmon në luftimin e dëmtimit të qelizave dhe mbështet shëndetin e syve, kockave dhe lëkurës. Likopeni është një antioksidant i fuqishëm që mund të ulë rrezikun tonë për kancer. Pasi që të dy janë të tretshëm në yndyrë, ata kërkojnë yndyrë, për tu thithur nga trupi.

Vitamina A: Bulmet, patate e ëmbël, kungull, lakër jeshile, spinaq, kajsi, pjepër

Yndyrna të shëndetshme: Avokado, ulliri, vaj, arra, fara, peshk yndyror

Vitamina D dhe kalcium

Kalciumi njihet si lëndë ushqyese për ndërtimin dhe forcimin e kockave, por është me të vërtetë efektive vetëm me ndihmën e vitaminës D. Vitamina D ndihmon thithjen e kalciumit.

Vitamina D: Vezë, kërpudha, qumësht i pasuruar

Kalciumi: Produkte qumështi, bajame, fasule, sardele, salmon

Vitaminat B6, B12 dhe Folate

Kjo familje e vitaminave B në mënyrë sinergjike punojnë së bashku për të zvogëluar nivelet e homocisteinës, një aminoacid i cili, kur është i lartë, rrit ndjeshëm rrezikun e sëmundjes së zemrës.

Vitamina B6: Oriz, fasule, thjerrëza, fara

Vitamina B12: Mish viçi, peshk dhe ushqim deti, shpendë,

Folate: Asparag, avokado, brokoli, drithëra, arra dhe fara